شیری رحمان کا کہنا ہے کہ عمران خان نفسیاتی مریض کی طرح خود کو پیش کر رہے ہیں، رات کو ترلا کرتے ہیں دن میں گالی دیتے ہیں، عمران خان بند گلی میں آگئے ہیں۔
وفاقی وزیر شیری رحمان کا کہنا تھا ایسا لگتا ہے خان صاحب سب کچھ ڈبونے کو تیار ہیں، خان صاحب کہہ رہے ہیں میں نہیں تو اور کوئی بھی نہیں۔
شیری رحمان نے کہا کہ خونریزی اور مارشل لاء کسی مسئلے کا حل نہیں، انقلاب سب سے پہلے اپنے لوگوں کو ہی ہضم کرتا ہے۔
شیری رحمان کا کہنا تھا عمران خان اپنے بیانیے میں تسلسل لائیں کہ اگلے ہفتے بھی وہی بات ہوگی، وہ اب کسی کو ڈکٹیشن نہیں دے سکتے۔
وفاقی وزیر شیری رحمان نے کہا کہ عمران خان کا ذہن مستحکم ہونے تک مذاکرات نہیں ہوسکتے، کوئی ان کے دباؤ میں نہیں آئے گا۔
وفاقی وزیر شیری رحمان کا کہنا تھا کہ وفاقی حکومت دارالحکومت کو مفلوج نہیں ہونے دے گی، خان صاحب چاہتے ہیں خونریزی ہو اور عدم استحکام آئے، انہوں نے مزید کہا کہ اتحادی حکومت مدت پوری کرے گی۔
