وزیراعظم شہباز شریف کی جانب سے سندھ کے سیلاب متاثرین کیلئے 15 ارب روپے کی گرانٹ کا اعلان کیا گیا ہے۔
وزیراعظم شہباز شریف کا میڈیا سے گفتگو کرتے ہوئے کہنا تھا کہ سندھ حکومت کو متاثرین کی بحالی کے لیے15 ارب دیئے جارہے ہیں، آخری گھرانے کے آباد ہونے تک چین سے نہیں بیٹھیں گے۔
وزیراعظم محمدشہبازشریف نے سکھر میں سیلاب متاثرین سے ملاقات میں انہیں یقین دہانی کروائی کہ وفاقی حکومت اس مشکل وقت میں اپنے بہن بھائیوں کو بالکل تنہا نہیں چھوڑے گی اور انہیں دوبارہ اپنے گھروں میں آباد کرنے کیلیے کوئی کسر اٹھا نہیں رکھی جائیگی pic.twitter.com/81TNonpYEX
— PML(N) (@pmln_org) August 26, 2022
وزیراعظم شہباز شریف نے کہا کہ آج سندھ میں بی آئی ایس پی کے ذریعے24ہزارفی گھرانہ دیئےجارہےہیں، مستحق گھرانوں کو شفاف طریقے سے امداد پہنچائیں گے۔
شہباز شریف نے کہا کہ این ڈی ایم اے صوبائی حکومت کو ہر ممکن مددفراہم کریگی جبکہ افواج پاکستان متاثرین کی مدد کےلیے دن رات کام کررہی ہیں۔
PM Shehbaz Sharif visiting flood affected areas of Sindh, and Interacting door to door with flood affected children and women to ensure relief work. pic.twitter.com/5QLJeDzyo9
— PML(N) (@pmln_org) August 26, 2022
وزیراعظم شہباز شریف کا کہنا تھا کہ سب سے بڑا مسئلہ دیہاتوں سے پانی نکالنا ہے، بارش اورسیلاب سے اتنے بڑے پیمانے پر تباہی کا سوچا بھی نہیں جاسکتا تھا۔
شہباز شریف نے کہا کہ سندھ میں سیلاب اور بارشوں سے گھر تباہ ہو گئے، پورے پورے دیہات پانی کی نذر ہو گئے، سیلاب سے شدید تباہی ہوئی ہے۔
وزیراعظم شہباز شریف کا مزید کہنا تھا کہ بارشوں اور سیلاب سے تباہ کاریوں کا فضائی جائزہ لیا، فضائی جائزے کےدوران ایسے لگا جیسے ہرجگہ دریائے سندھ پھیلا ہوا ہے۔
سیلاب متاثرین کے عطیات کیلیے وزیراعظم فلڈ ریلیف 2022 کا شارٹ کوڈ جاری کردیا گیا ہے۔
پاکستان ٹیلی کام اتھارٹی (پی ٹی اے) نے باضابطہ نوٹیفیکیشن جاری کر دیا گیا ہے، جس میں بتایا گیا ہے کہ شہری موبائل فون سے “فنڈ” لکھ کر 9999 پر ایس ایم ایس بھیج کر 10 روپے عطیہ کرسکتے ہیں۔
پی ٹی اے کا نوٹیفیکیشن میں بتایا گیا ہے کہ تمام آپریٹرز جمع ہونے والے عطیات سے این ڈی ایم اے کو مطلع کریں گے۔