دنیا کی سب سے بڑی کرپٹو کرنسی کی ایکسچینج فرمز ’بائنانس‘ نے دعویٰ کیا ہے کہ جعلسازوں نے 100 ملین ڈالرز مالیت کی کرپٹو کرنسی چوری کرلی ہے۔
غیر ملکی میڈیا کے مطابق فرم کے سربراہ چانگ پینگ ژاؤ نے ایک ٹوئٹ میں بتایا کہ سسٹم میں ’ایکسپلائٹ‘ کی وجہ سے ایکسچینج کی مخصوص کرنسی کی اضافی پروڈکشن ہوئی، اس نقصان کا تخمینہ تقریباً 100 ملین ڈالرز ہے۔
سربراہ بائنانس نے کہا کہ اب بھی مسئلہ موجود ہے جس کے باعث سسٹم کو کچھ وقت کے لیے منجمد کر رہے ہیں۔ لیکن صارفین کے فنڈز محفوظ ہیں، ہم اس زحمت کیلئے معذرت خواہ ہیں اور صورتحال کے مطابق مزید اپ ڈیٹ فراہم کریں گے۔
An exploit on a cross-chain bridge, BSC Token Hub, resulted in extra BNB. We have asked all validators to temporarily suspend BSC. The issue is contained now. Your funds are safe. We apologize for the inconvenience and will provide further updates accordingly.
— CZ 🔶 Binance (@cz_binance) October 6, 2022
تاہم غیر ملکی میڈیا ذرائع کے مطابق نقصان کا تخمینہ 100 ملین ڈالرز نہیں ہے بلکہ یہ 570 امریکی ڈالرز کے برابر ہے۔
ماہرین کہتے ہیں کہ جعلساز تیزی سے ’کراس چین برجز‘ میں کمزوریوں کا استعمال کر رہے ہیں۔
ماہرین کے مطابق یہ وہ ذرائع ہیں جن کو سرمایہ کار اثاثوں کو ایک بلاک چین سے دوسرے بلاک میں منتقل کرنے کیلئے استعمال کرتے ہیں۔
Due to irregular activity we're temporarily pausing BSC. We apologize for the inconvenience and will provide further updates here.
Thank you for your patience and understanding.
— BNB Chain (@BNBCHAIN) October 6, 2022
چانگ پینگ ژاؤ نے اپنے ٹوئٹ میں لکھا کہ اس چوری میں ’ایک کراس چین برج بی ایس سی ٹوکن ہب پر ایک ایکسپلائٹ‘ شامل ہے۔
اس حوالے سے چند گھنٹوں بعد بذریعہ ٹوئٹ چانگ پینگ ژاؤ نے صارفین کو یقین دلایا کہ اسے ٹھیک کردیا گیا ہے۔
بائنانس ایکسچینج نے بتایا کہ چوری کی گئی رقم 100 ملین ڈالرز سے 110 ملین ڈالرز کے درمیان تھی۔ فرم نے مزید کہا کہ 7 ملین ڈالرز کو فوری طور پر منجمد کردیا گیا تھا۔
غیر ملکی میڈیا کے مطابق یہ کرپٹو کرنسی کی تاریخ کی سب سے بڑی چوریوں میں سے ایک ہے۔
