گزشتہ روز پاکستان سے ہارنے کے بعد افغانی کرکٹ شائقین کی جانب سے پاکستانیوں سے کی گئی بد تمیزی پر شعیب اختر نے بھی غصے کا اظہار کیا ہے۔
سابق پاکستانی کھلاڑی شعیب اختر نے اپنے سوشل میڈیا اکاؤنٹس پر افغان پریمیئر لیگ کے بانی اور افغان کرکٹ بورڈ کے سابق چیف ایگزیکٹیو کو ٹیگ کرتے ہوئے افغانیوں کے رویے پر تنقید اور دُکھ کا اظہار کیا ہے۔
This is what Afghan fans are doing.
This is what they've done in the past multiple times.This is a game and its supposed to be played and taken in the right spirit.@ShafiqStanikzai your crowd & your players both need to learn a few things if you guys want to grow in the sport. pic.twitter.com/rg57D0c7t8— Shoaib Akhtar (@shoaib100mph) September 7, 2022
شعیب اختر نے مائیکرو بلاگنگ ویب سائٹ ٹوئٹر پر افغانیوں کے ہاتھوں پاکستانیوں کی پٹائی کی ویڈیو شیئر کرتے ہوئے لکھا کہ افغانی ایسی حرکتیں کر رہے ہیں، اِنہوں نے ماضی میں بھی متعدد بار ایسا کیا ہے، کرکٹ ایک کھیل ہے اور اسے بطور کھیل ہی لیا جانا چاہیے۔
شعیب اختر نے مزید کہا کہ اگر آپ لوگ کھیل کے شعبے میں ترقی کرنا چاہتے ہیں تو آپ کے عوام اور کھلاڑیوں، دونوں کو ہی کچھ چیزیں سیکھنے کی ضرورت ہے-
شعیب اختر نے انسٹاگرام پوسٹ پر اپنا ویڈیو پیغام شیئر کرتے ہوئے کہنا تھا کہ 19 سالہ بچے نسیم شاہ نے افغان کھلاڑیوں کو اُن کی جگہ واپس بھیج دیا، جنہیں ہم نے ہمیشہ پیار دیا اور حمایت کی یہ اُن کے خلاف ایک یادگار میچ تھا، لیکن بدتمیزی اور تکبر نہیں انہیں فوراً نیچا دکھا دیا۔