دبئی میں ہونے والی ‘فلم فیئر مڈل ایسٹ اچیورز نائٹ’ ایوارڈز کی تقریب میں بالی وڈ فنکاروں کے علاوہ پاکستان کے نامور اداکاروں نے بھی شرکت کی جس میں انہیں مختلف اعزازات سے نوازا گیا۔
فلم فیئر ایوارڈز کی تقریب میں پاکستانی اداکارہ سجل علی، ہمایوں سعید اور میزبان و اداکار فہد مصطفیٰ کو ایوارڈز دیے گئے جس کی تصاویر و ویڈیوز سوشل میڈیا پر گزشتہ روز سے زیر گردش ہیں۔
سجل علی کو پاکستانی سنیما کا سب سے مقبول و ہردلعزیز چہرہ ہونے کا ایوارڈ دیا گیا۔
سجل علی نے’فلم فیئر مڈل ایسٹ اچیورز نائٹ‘ کے موقع پر ساتھی اداکار ہمایوں سعید کا خصوصی طور پر شکریہ ادا کیا۔
View this post on Instagram
پاکستانی اداکارہ سجل علی نے اپنے جذبات کا اظہار کرتے ہوئے کہا کہ ‘میں ہمیشہ سے یہ چاہتی تھی کہ مجھے کبھی موقع ملے تو میں اس ایک شخص کا شکریہ ضرور ادا کروں گی، جنہوں نےمجھ پر سب سے پہلے یقین رکھا اور مجھے پہلی بار مجھے بہت سارے لوگوں کے سامنے پَرفارم کرنے کا موقع فراہم کیا’۔
سجل علی نے انکشاف کیا کہ وہ شخص جنہوں نے مجھے یہ موقع فراہم کیا وہ ‘ہمایوں سعید’ تھے۔
سجل علی نے انسٹاگرام اکاؤنٹ پر بالی وڈ کے شوخ و چنچل اداکار رنویر سنگھ کے ہمراہ بھی تصویر پوسٹ کی جس میں اداکارہ کے بھائی کو بھی دیکھا جاسکتا ہے۔
View this post on Instagram
سجل علی نے آنجہانی اداکارہ سری دیوی کی بڑی بیٹی اور بالی وڈ میں اپنی دوست جھانوی کپور سے بھی ملاقات کی۔
View this post on Instagram
