ترکیہ کے وزیرِ داخلہ سمیت17 رکنی وفد سیلاب سے متاثرہ علاقوں کے دورے کیلئے پاکستان پہنچ گیا۔
میڈیا سے گفتگو کرتے ہوئےترکیہ کے وزیرِ داخلہ سلیمان سوئیلو نے کہا کہ دعا ہے کہ اللّٰہ تعالیٰ پاکستان کو اس آفت سے جلد نکالے۔
وزیرِ داخلہ سلیمان سوئیلو نے کہا کہ مشکل کی گھڑی میں پاکستانیوں کے غم میں برابر کے شریک ہیں، ترکیہ سے امدادی سامان کے 11 جہاز پاکستان پہنچ چکے ہیں۔
سلیمان سوئیلو نے کہا کہ ترکیہ سے امدادی سامان لے کر 2 ٹرینیں بھی 6 دنوں میں پہنچ جائیں گی۔